61

سعودی عرب میں غیر ملکیوں پر لگایا گیا ٹیکس واپس لینے کا فیصلہ

جدہ (آن لائن) سعودی زکوۃ اور ٹیکس کی جنرل اتھارٹی نے 24 دسمبر کو اعلان کیا ہے کہ وہ سیاحوں سے وصول کیا جانے والا ویلیو ایڈڈ ٹیکس انھیں واپس کرنے کے طریقہ کار پر کام کر رہے ہیں لیکن یہ 2018 کے ابتدائی کچھ مہینوں میں ممکن نہیں ہو سکے گا کیونکہ اس سارے عمل کے لیے ضابطہ عمل ابھی تشکیل نہیں دیا گیا ہے۔

گزٹ میں ویلیو ایڈڈ ٹیکس آپریشنز مرکز کے ڈائریکٹر حمود الریبی نے عرب نیوز سے بات کرتے ہوئے کہا ہے کہ ایگزیکٹیو ضابطوں کے مطابق یہ ممکن ہو سکے گا کہ کمپنیاں سیاحوں کو ان سے خریدی جانے والے مصنوعات پر لینے والا ویلیو ایڈڈ ٹیکس واپس کر سکیں۔

انہوں نے مزید کہا کہ اس سب کے لائحہ عمل کے بارے میں بعد میں بتایا جائے گا کیونکہ اس کے طریقہ کار اور ضابطہ عمل پر کام ہو رہا ہے۔ اس کے علاوہ انہوں نے مزید کہا کہ ویلیو ایڈڈ ٹیکس کی مد میں ادا کی جانے والی رقم اگر €100 سے کم ہو گی تو وہ واپس نہیں کی جائے گی۔

اس خبر پر اپنی رائے کا اظہار کریں